FASE 0 CONVOCATORIA

TurisTalent 5.0 lanza a súa convocatoria dirixida a proxectos en fase pre-seed que aposten pola innovación en turismo e en enogastronomía. O programa está aberto a iniciativas que exploren novos enfoques e solucións en ámbitos como o turismo rural, os servizos ao visitante, as axencias de viaxes, os aloxamentos turísticos, o enoturismo, o turismo activo e de aventura, o turismo sostible, a gastronomía local, a mobilidade  turística, a dixitalización de experiencias, a comercialización de produtos turísticos, a tecnoloxía aplicada ao sector, a accesibilidad e inclusión en destinos, ou outros relacionados coa mellora e dinamización do sector.

Impulsada polo Concello de Lugo, esta iniciativa pioneira a nivel municipal busca detectar e acompañar ideas con potencial que contribúan á transformación do ecosistema turístico local a través de formación especializada, mentorización experta e un entorno favorable para o desenvolvemento emprendedor.

FASE 1 ACADEMIA

Etapa de preaceleración centrada na validación da proposta de valor de cada proxecto no mercado. Inclúe formación especializada, sesións de mentorización individualizadas, mesas redondas con emprendedores e actividades de networking. Desenvolverase no Edificio Impulso Verde do Concello de Lugo, con sesións os venres pola tarde e os sábados pola mañá.

FASE 2 TURISTALENT DAY

Os proxectos presentarán os seus avances ante un Comité Técnico que avaliará o seu grao de madurez. Ao remate da xornada, seleccionaranse ata 10 proxectos para continuar na fase de aceleración. É un momento clave para identificar o potencial e as necesidades específicas de cada iniciativa.

FASE 3 ACELERACIÓN

Fase intensiva deseñada para levar os proxectos ao seguinte nivel. Traballarase na súa escalabilidade, estratexia de crecemento, acceso a novos mercados e planificación a medio prazo. O obxectivo é consolidar e fortalecer cada iniciativa de cara á súa saída ao mercado.

FASE 4 INVESTORS DAY

No Investors Day, os proxectos acelerados presentaranse ante un panel de investidores nacionais e internacionais. Será unha xornada clave para dar a coñecer en detalle cada proposta, conectar con potenciais socios estratéxicos e captar o apoio necesario para o seu lanzamento definitivo.